ექადიის ტყე-პარკი

ექადიის ტყე-პარკის რეაბილიტაციის პროექტი ეფუძნება ბუნებრივი ლანდშაფტის შენარჩუნებასა და თანამედროვე რეკრეაციული გარემოს შექმნას. პროექტში არსებული რელიეფი და მცენარეული საფარი ინტეგრირებულია მოწესრიგებულ საფეხმავლო ქსელთან, დასასვენებელ სივრცეებსა და მცირე არქიტექტურულ ელემენტებთან.

პარკის სივრცითი სტრუქტურა სხვადასხვა ნიშნულს ერთმანეთთან აკავშირებს ბილიკებისა და კიბეების საშუალებით, რაც ქმნის დინამიკურ და მრავალდონიან გარემოს. ბუნებრივი ქვის, ხისა და ლითონის გამოყენება კი ხაზს უსვამს სივრცის ბუნებრივ ხასიათს და ქმნის მშვიდ, თანამედროვე და კომფორტულ რეკრეაციულ გარემოს.