გიორგი მაისურაძის სახელობის სოფლის ისტორიის მუზეუმი
ვაჩნაძიანი, გურჯაანის მუნიციპალიტეტი
გიორგი მაისურაძის სახელობის სოფლის ისტორიის მუზეუმის რეაბილიტაციის მთავარი მიზანია კულტურული მემკვიდრეობის ძეგლის ისტორიული იერსახისა და არქიტექტურული ღირებულების შენარჩუნება, მისი ფუნქციური განახლება და თანამედროვე სამუზეუმო მოთხოვნებთან ადაპტირება. პროექტი ითვალისწინებს არსებული შენობის ავთენტური ხასიათის დაცვას და მისი ისტორიული მნიშვნელობის წარმოჩენას.
რეაბილიტაციის კონცეფცია ეფუძნება ისტორიული არქიტექტურისა და თანამედროვე ფუნქციური მოთხოვნების ფრთხილ გაერთიანებას. შენარჩუნებულია ფასადის სიმეტრიული კომპოზიცია, დეკორატიული ელემენტები, სვეტები, თაღოვანი ფორმები და ორნამენტული მოაჯირები, რომლებიც შენობის არქიტექტურულ იდენტობას განსაზღვრავს. ღია ფერის ფასადი და აღდგენილი დეკორატიული დეტალები ხაზს უსვამს ნაგებობის ისტორიულ ხასიათს. ფართო აივანი და ცენტრალური კიბე შენობის მთავარ არქიტექტურულ აქცენტს წარმოადგენს და ამავდროულად აძლიერებს მის საზოგადოებრივ ფუნქციას.
მუზეუმის რეაბილიტაცია ხელს უწყობს ადგილობრივი ისტორიისა და კულტურული მემკვიდრეობის შენარჩუნებასა და პოპულარიზაციას.